今日假期約家姐細妹去拜爸爸
自從上次同軼賢去拜山見佢都好合作
見今日天氣好
所以就算lulu放假
都可以試吓唔揸車帶埋軼賢一齊去拜公公
今日去柴灣拜山都唔算太人多
但係我地都選擇咗由沙田搭的士去到目的地
我地第一家11:30am準時到現場
今次又係好唔好彩地
又係要等咗 個幾鐘先等齊人
詳細情況都唔想喺處再講。
本應軼賢都好合作，不過等咗咁耐先開始
正當就嚟發爛之制。。。
Wing Wing表姐就到，
加上有keikei E 同Sandy E送嘅公仔
咁就成功制止咗。
拜完山後搭小巴轉MTR去咗CWB飲茶
好少搭MTR嘅軼賢小主非常好奇，四維望
坐坐吓又走去對面搵大姨丈八掛
睇吓大姨丈玩緊乜?
去到茶樓已經兩點幾
軼賢由朝早起身飲奶後都無食過嘢!
所以餓到佢飲茶時食咗好多嘢!
又食包 又食粥，仲食埋叉燒飯添
食飽飽仲唔落地玩咩!
有Wing Wing 表姐陪，
軼賢媽就繼續食&繼續同姊妹belibala ~ 哈哈哈!
飲完茶見CWB咁多人都唔想四維行
都係返屋企吧喇!
軼賢小主上午無瞓覺
加上去拜山時好乖咁行咗好多路
一上巴士極速瞓著
瞓到落車都未醒
所以要Be爸抱返屋企，辛苦晒!
晚飯時間be爸提議同爺爺嫲嫲出街食
但係唔知發生咩事周圍都係大陸人
想搵間好少少食晚飯都無位
攪到要坐街邊食飯 (註：係軼賢影嘅 王家衛 相片)
第一次同軼賢坐街食飯又幾有風味喎!
哩處D小炒都唔差!
不過最攪嘢係食食吓軼賢話肚痛???
摸住個肚仔係咁 哎呀! 哎呀!
攪咩呀!肚痛?
當大家諗緊軼賢小主何解會肚痛之際。。。
請大家不要擔心，唔係食物不潔
只係軼賢當日未poo poo遮
結果軼賢媽又係要快速將飯餸倒落肚後，
同軼賢返屋企。
今日勞動節同軼賢小主出街，
真係夠晒體力勞動呀!
沒有留言:
發佈留言