2010端午節 (Part 1) 龍舟水

 

16/6/2010(星期三)

今日端午節

一朝早起身，同軼賢出去食早餐時，

嫲嫲話舅公叫軼賢去睇佢爬龍舟喎!

之後快快手食完早餐出發去城門河
當時太陽仲非常猛烈

但係因為無帶傘
走去問大堂ee借咗一把傘
諗住比軼賢遮太陽

mami借完傘同大家會合，

正等候其中一場龍舟賽開始，

突然風雲變色

我地一家三口 & 伯伯嫲嫲
五個人得一把傘
把傘原本諗住遮太陽
點知。。。

雨仲越落越大
諗住睇一陣就走喇!

但大家已經成身濕晒!
除咗軼賢

 

伯伯濕得去最勁

因為佢同我地遮擋晒

好感動喔!

今年真係唔駛游龍舟水都由頭濕到落腳喇!
大家齊齊返屋企換衫先

 

轉頭再去飲茶

食軼賢好鍾意嘅糭糭飯應節。