Ella and Sheldon: 終於等到這一天!

2010年6月3日星期四

30/5/2010(星期日)

星期日朝早6點幾

見軼賢未起身，

諗住去個洗手間後再搵周公傾多陣先喇!

點知波波又係不停咁追住我，貓貓叫。。。

明乎其實嘅 “跟尾貓”

見佢不停擒上嚟要我抱!

唯有眼瞓到 CC 吓

都抱佢一陣喇!

一抱起佢諗吓!諗吓!

好似好耐無同波波剪手&腳甲喎!

一睇，

原來已長得好長喇!

有幾隻貓手指甲仲已經倒生添，

因為佢地d指甲又尖

如果屈返入去倒生嘅話，就會好痛嫁!

今次原來一定要我抱係因為呢個原因!

突然間有一點內疚添~~

波波真係好對唔住呀!

波波宜家知道Mami唔得閒，

都會好醒目

每朝早都會乖乖坐喺我面前陪我擦面，

入或者見我去洗手間又追住入去搵我

等我望吓佢摸吓佢!

其實波波宜家真係好乖嫁喇!

對軼賢又無咗敵意，好多時仲會錫錫軼賢添

可能佢都feel到軼賢對佢好喇!

每晚軼賢一入屋又係鞋都未除就掛住餵波波食嘢!

大家睇吓哩個Video就會發覺波波同軼賢真係close咗好多呀!

以前波波一見到軼賢就會走嫁喇!

而家波波會主動走埋去搵軼賢

終於等到您地兩個

和平同處呢一日喇!

真係令軼賢媽開心又感動呀!

Ella and Sheldon