打尖blog，因為好想同大家分享吓軼賢媽嘅喜悅
其實大家睇完可能覺得係一件好小事,
但係咁辛苦寫blog都係為咗記低所有事情之嗎?
又或者第日等阿囡大個時比佢睇返, 等佢知道。
今朝軼賢7:30AM醒咗，
一起身只見mami，
軼賢就問：爸爸未返嚟呀?
點解會咁問嘅?
哩句係軼賢近排成日問mami嘅說話之一，
因為be爸近排好忙吖! 有時夜晚又比公司急call出去~
mami答：唔係，爸爸喺洗手間，
軼賢：哦! 喺洗手間，
之後飲mike mike辦大事&梳洗埋
等嫲嫲同lulu嚟接軼賢去城門河運動同睇汪汪狗
但係臨出門口時，軼賢行咗一半又走返轉頭，
同mami 拜拜 bye咗好耐都未出到門口，
之後又走返埋嚟攬住mami隻腳
我睇得出阿囡係好唔願意出門口
囡囡mami 都好想陪您，
所以同軼賢講 mami要返工吖嗎!
好在嫲嫲教得好
由細個到現在都經常話比軼賢知爸爸媽媽要返工嫁!
返工先可賺錢買mike mike比BB。
[所以大家見到軼賢時您地問佢點解爸爸媽媽返工?
佢會答您 爸爸媽媽返工賺錢買mike mike比BB食呀!]
所以軼賢就算幾唔願意同嫲嫲出門口都唔會喊~
只會好無耐同用依依不捨嘅眼神同mami拜拜，
有一次令mami最深刻係，軼賢出咗門口，門都closed
佢竟然拍門叫住媽媽 媽媽，
我走去開門問軼賢咩事
佢話未同我Big hug喎!
Big hug完仲要kiss kiss mami一啖，
果一刻, 真係開心到呢。。。
依家諗起都心甜呀!
有時返工做到悶悶地，
諗起哩d情節，
就好感謝上天賜哩個囡囡比我地呀!
