12/1/2011(星期三)
軼賢小主2y11m話咁快軼賢下個月就3歲大喇!
大個咗之後雖然識嘢多咗
亦都自我咗好多
意見又多，又呢又路
總之就比要多好心機同耐心講解好多嘢~
已經唔同BB嗰階段，只係玩同食喇!
成日問大人，要買d咩吖!
其實想去supermarket~
每日都要行吓入去先安樂
嫲嫲話軼賢同d職員都熟絡晒喇!
近排軼賢成日揀衫著
呢件又唔著 果件又唔著
哩條褲又話唔要，果條褲又話痛，
總之就諸多事實
天凍又唔肯著冷衫，
著外套由成日自己除衫
真係少d耐性都著火
近排
越來越夜瞓
有時零晏12:00都仲未瞓，話要起身同mami傾計喎~
有時又話瞓唔到吖!
已經十點幾十一點先喺嫲嫲屋企走
返到自己屋企又掛住同波波玩
又想睇碟 又想睇書
又想mami講故仔!
軼賢有好多嘢想mami同佢一齊做!!!
咁咪想早d同佢返屋企囉?
篇篇又要扭扭令令，攪好耐先出到門口~
近排
好鍾意畫畫
軼賢自己畫嘅公仔
去到食嘢地方比支筆比張紙佢畫畫，
又可以坐定定~
近排
好又鍾意玩返公仔
又成日同公仔傾計，
要d公仔聽話~
唔準乜，唔準物，
學晒大人d語氣。
近排
一見到麥噹噹廣告一出
話有新公仔吖!
就叫嫲嫲去麥噹噹喇
!
超鍾意薯條
有一日be爸mami都好想食麥噹噹
(因為甚少會同軼賢一齊去食)
問軼賢去麥噹噹好唔好吖!
嘩!有人立即開心到跳起
仲好快手咁自己著鞋著襪
如果每晚返屋企都咁合作就好喇!
期待下個月軼賢3歲大
會有更大進步!
