12/3/2011(星期六)
軼賢小主3y1m大喇!
兩個月無寫成長報告
簡單會報吓先!
體重:未磅
高度 :
應該又高咗
因為d褲又短咗~
戒片片情況:
基本上可以叫成功!
係屋企已經唔著片好耐
而家連出街都駛著片喇!
不過提佢去廁所就會唔耐煩
軼賢會應我地:都話無囉~
但係有時一上車就話好急要去VV
又時又會虛報~ 入到廁所又話無吖!真係呢~
晚上瞓覺時間基本上都無濕片
但又唔感唔著片,驚失手~
等遲d回暖時,唔駛蓋咁多被就會放膽試。
瞓覺情況
依家唔會瞓兩轉喇!
只係午一次 3pm-5pm
每次個零鐘兩個鐘
夜晚,11:00pm-9:30am
飲食情況
早 、 晚 (2餐奶每次200ml)
年尾時mami訂唔到奶粉,
mami同be爸買四圍買現貨,
比軼賢知道,問mami係咪無奶奶飲吖~
軼賢同mami講 : 無奶奶飲會瞓唔著嫁~haha!
午餐
去茶樓食大人飯
下午茶食麵包,餅乾 及 乳酪
晚餐
嫲嫲會6點幾先煮比軼賢食先
到大人開飯再埋位食少少。
最愛豆腐花 & 同朱古力,
見到姑姐送嘅呢盒餅
雙眼發光!
基本上而家同軼賢出街食飯都好方便,
乜都可以食~
不過都係主力鍾意食菜菜
仍然唔肯食蛋~
性格方面
比軼賢知咗會同佢去邊喥嘅話~
一定會問到出發為止
如果唔肯定去嘅地方,真係千祈唔好比佢知吖!
呢個性格對於小朋友嚟講係好事
Mami亦希望比軼賢知道~
應承嘅事都要辦到~
前排比佢發現iphone’s咁好玩之後
簡直有點進入瘋狂狀態,
有一晚比軼賢知道mami有部機,
不斷要求要玩,玩到唔肯瞓覺~
所以mami同be爸決定放棄唔用,
唔想佢咁細就做iphone迷
同咁快做四眼妹。
所以依家最期待姑姐姑丈嚟先有得玩iphone~
今年比軼賢開始知道要有儲蓄習慣
呢喥係今年利是錢~
都好豐收吓嫁!
比埋儲摺佢睇
等佢有儲蓄concept.
講野方面
而家講嘢好老積
亦都自我咗好多
意見又多,又呢又路
總之就要多好多心機同耐性解釋好多嘢!