波波已經一把年紀，
亦因為咁身體機能亦都開始轉差
係上星期三，
波波突然個頭抬起咗好似唔識放返落嚟咁~
又食唔到嘢
觀察咗一日都係咁
就帶咗波波去睇醫生喇!
首先驗血check咗身體器官邊到出咗問題先~
醫生估波波個頭仔有咁嘅情況，有兩個可能性
一係{中風}又或者有腫瘤
驗血report出咗喇!
個腎功能指數唔係幾好
呢樣病老貓嚟講都好普遍
所以DR建議要留院-釣鹽水
好可憐喔!
Mami見到好心痛吖!
真係忍唔住喊咗出嚟~
從小到大波波都無乜病痛
今次要住院~
我知道佢一定係好驚吖!
唯有mami辛苦d日日去探佢喇!
唔好比佢以為我地唔要佢吖~
結果釣咗兩日鹽水後
個腎功能指數已回落返正常水平~
但係醫生再同波波做咗個詳細驗查後
發現係耳道入面有個腫瘤
但係有幾大就唔知
應該係呢個問題導致波波個頭會有咁嘅情況出現~
如果要知詳細情況就一定要照{磁力共震}先可以肯定
就算照咗{磁力共震}知道腫瘤期實都唔可以做得d乜
因為波波跟本就唔可以承受呢個手術風險
我地同醫生商量過後
決定唔會同佢做手術
錢駛咗唔緊要，最大問題係會有好多後遺症
又或者未完成手術已經支持唔住~
所以依家都係好睇佢嘅腫瘤生長速度同嚟緊健康情況
波波仲有幾耐日子~
我地都唔感諗~
而家波波返咗屋企喇!
暫時情況穩定返小小
佢一返到屋企好開心吖!
好似驚我走咗去咁
行一步 跟一步
又成日要我抱佢~
波波依家都係過一日賺一日
最緊要唔好辛苦~
開開心心咁生活埋餘下嘅日子。
