上星期三晚一返到屋企，
見到軼賢身成出晒疹，
立即抱起佢，原來仲發埋燒添~
食咗看門口嘅退燒藥都唔得~
即刻call姐姐過嚟睇住細佬b
再同軼賢去[仁安醫院]睇醫生，
喺屋企量體溫都係38.5
一去到仁安已經39.5，
真係比佢嚇c，
好在當晚唔係太多人，
不過唔多人都要成個幾鐘先睇完~
返到屋企已經1點幾喇~
之後仲要成晚摸住軼賢幫佢探熱，
一夠鐘就要食退燒藥~
眠一眠又要起身返工喇!
到星期四晚返到屋企
見到軼賢真係比佢嚇咗一跳，
成身成面出晒一舊舊，仲要眼都腫埋~
已經不停食住退燒藥~仲有加埋抗生素都唔掂~
姑姐一見到立即叫我地同軼賢去急症室~
一去到分流，立即見醫生，
醫生話佢有可能係 “猩紅熱” OMG
立即安排軼賢留院
仲要住 “隔離病房” 添
真係比佢嚇親
都無諗過要住院
嚇到喊晒~仲立即話要走，唔要留喺喥喎~
mami都好想返屋企吖~嗚嗚~
幾經辛苦先幫軼賢做晒檢查同抽血~
當晚軼賢真係好驚，
成晚唔感瞓覺
驚我地走咗~
仲要mami成晚抱住佢點都唔肯瞓落醫院張床
可憐嘅軼賢又驚又攰
喺朝早都終於都攰到瞓著咗
但係瞓咗一陣醫生就嚟巡房喇~
好唔好彩又比醫生見到軼賢成身又試出晒疹仲退唔到燒，
所以醫生同我地講，
咁嘅情況一定要觀察多幾日先得喇~
軼賢一聽到醫生咁講，
即刻狂哭話要走吖~~~
見完呢個醫生後就處方咗抗生素同止痕藥比軼賢喇~
下午再有兩個醫生嚟觀察，
見佢d燒都有退吓燒吓，
軼賢又無腫得咁嚴重，
就問放我地返屋企自我隔離好唔好?
更係好喇~
雖然要每日都要返醫院見醫生
起碼端午節唔駛係醫院過吖~
一日report唔知咩事，都令人好擔心!
***
返到屋企嘅軼賢
見唔到細佬b時 就成日話要搵細佬
悶悶地~
唯有喺屋企畫吓畫喇!
仲成日問幾時可以剪手帶
沖涼又唔比濕水
總之一日唔剪手帶
軼賢都會精神緊張
一返醫院見醫生又驚捉返佢入去
所以一覆診完問爸爸，
係咪日日都係咁就走得喇~
一踏出醫院就成個開心返~
mami知道軼賢要住醫院
佢真係好驚驚吖~
****
唉~~~~
終於連細佬b都發埋燒喇!
身心疲累
希望兩姐弟快d好返~
人人都身體健康~
退燒藥只係減熱, 沒有特別成效!
發燒係唔會燒壞腦, 腦膜炎係因為身體的炎症出現的併發症!
當然, 高燒要食退燒藥, 但微燒可以觀察小朋友的症狀, 炎症無左就自然退燒,
炎症仍在..
退燒藥只係減熱, 沒有特別成效!
發燒係唔會燒壞腦, 腦膜炎係因為身體的炎症出現的併發症!
當然, 高燒要食退燒藥, 但微燒可以觀察小朋友的症狀, 炎症無左就自然退燒,
炎症仍在, 食極退燒藥都無用, 因無對症下藥!!
食得越多退燒藥, 身體的抗抵力會越弱~~
我明無人想小朋友食咁多藥,
除非健康狀況本身有問題的小朋友,
如可以選擇唔需要依賴藥物的時間就盡量靠自己打仗~~
我只係不停叫佢地瞓覺休息, 飲水食粥, 煲這煲那@@
咁搞法, 喺佢地不停打仗的同時, 我腎上線緊張到壓力上升!!係我支持唔住囉@@
唉...我就成日同亞媽講: 分又分過, 個屋企有幾大? 工人一個人湊兩個, 可以分得幾開? 所以我兩個女都係習慣性一..
唉...我就成日同亞媽講: 分又分過, 個屋企有幾大? 工人一個人湊兩個, 可以分得幾開? 所以我兩個女都係習慣性一個病完到一個; 不幸中的大幸係, 第二個病的多數識處理亦知徵狀囉@@
佢地好返未呀?