10/5/2009(星期日)
今日母親節正日,
無諗住特別去邊道慶祝,
因為怕人多,唔知由幾時開始會越來越怕迫,
可能受咗bebe爸爸嘅影響。
今朝日一早起身同軼賢小主去咗麥噹噹,
因為想換開心樂園餐送多啦A夢嘅公仔,
所以又去咗麥噹噹,今期送多啦美蝴蝶扣。
一過手比軼賢小主,多啦美隻翼就斷咗喇!
有嘢食就坐定定
不停咁包包包(即是要食麵包)
食完開心拍手
之後去咗遊樂場玩,
之從識行,
我都係第一次同軼賢小主去公園遊樂場玩,
軼賢小主去到遊樂場玩幾開心
bebe爸爸唔比玩sir滑梯,
怕軼賢小主嚇親喎!
(我就覺得佢唔會驚囉!)
我驚佢要我唔停咁同佢sir滑梯好過喇!
遊樂場真係小朋友放電嘅好地方
好叻咩! 要自己落樓梯
幾乎追都追唔切
玩咗一陣唔對路,因為太多蚊滋! 要走喇!
如果軼賢爸同子澄爸溝埋一齊再拆分開就好了!!
子澄爸成日同子澄玩危險動作@@ 子澄3個月大時已去公園玩滑涕,依家在家玩倒樹沖@@