24/5/2009(星期日)
星期日朝早因為落雨，
所以早餐都係叫bebe爸爸買外賣返嚟。
所以軼賢小主連公園遊樂場都無得去，
唯有喺屋企玩喇!
hea吓hea吓，
玩咗2個鐘左右，
轉地頭過嫲嫲屋企玩一陣又眼瞓喇!
午餐大家都唔想又飲茶
但係又下著大雨，
我地搭的士去邊呢!
伯伯提意近近地去新城市廣場
今次選擇咗泰國菜，e個商場有兩間泰國菜
我地多數幫襯開 i Thai,
今次去咗Level 7 ’s Simply Thai (心泰)
Simply Thai (心泰) e間泰國餐廳我喺新世紀廣場食過一次
嗰次喺第一次幫襯，覺得唔好食，
可能上次order嘅食物唔係my favorite.
今次食又O喎!
不過有時食嘢都係會講氣紛、
同一間食肆名，
唔同地點，唔同廚師，
巳經唔同晒
始終可以成家人一齊食飯，老爺、奶奶最開心
題外話~ 大家有無見軼賢小主點解又係著住e條裙呢????
喺屋企嘅時候，大家心諗軼賢小主有好多條裙都未著，
點解唔著喎???
因為嫲嫲話上星期著咗一陣喎!!!!!
要軼賢小主著多一次之後先洗! 所以!
都唔明???
e家有工人姐姐幫手
奶奶都係要自己手洗自己熨????
為乜呢!
不過算喇!費時大家相和氣!!!
都係唔出聲!
主菜食完更係要睇吓有咩甜品喇!
好多女士食甜品係第二個胃，
就算食到幾飽都可以再食一兩客甜品嘅!
軼賢媽當然唔例外喇!
見到MENU入面有朱古力心太軟，
嘩! I like it!即刻order一客先。
其他人見waitress 介紹間餐廳自家制的ice-cream & Sorbet 就更係要試吓喇!
軼賢姑姐/伯伯試石榴Sorbet, 嫲嫲試椰子ice-cream，
bebe爸爸試咗香芧ice-cream，個人覺得香芧味雪糕好怪。
朱古力心太軟因為要等20分鐘，
等候期間見個個食ice-cream食得咁happy!
我都忍唔住叫咗一客紅梅Sorbet, 好好味呀!
剛剛食緊紅梅Sorbet，朱古力心太軟就嚟到喇!
嘩嘩嘩! 朱古力心太軟又有椰子味ice-cream on Top.
喺泰國餐廳食心太軼無要求低下，又幾好食喎!
食食吓其間有人悶到發慌，指住要出外面walk walk，
係邊個? 更係軼賢小主喇!
軼賢小主比隔壁檔個window display 吸引咗，
因為係好colorful嘅假ice-cream.
軼賢小主自從食過ice-cream之後，
每次邊個食ice-cream都要有佢份。
行咗一陣商場，軼賢小主間間舖都入吓去!
真係好似shopping咁。
行咗一陣巳經3點幾喇!
軼賢小主係時候返屋企午睡喇!
沒有留言:
發佈留言