今朝一早清潔阿姐未夠9am就嚟到
連軼賢小主都未起身
有人幫忙清潔,
順便執屋,兩星期一次
其實間屋巳經亂七八糟
執完屋洗埋床單巳經1:30pm
午餐都係近近地屋苑飲茶算喇!
飲茶期間醒起嚟緊星期六及星期日要參加婚宴
而軼賢小主又無合適嘅鞋著
所以嫲嫲提議出又一城買鞋
因為自從買DR SHOES(鞋博士)嘅鞋比軼賢小主著過後
嫲嫲覺得軼賢小主雙“內八字腳”似有改善
巳經唔比其他鞋軼賢小主著喇
所以原本軼賢媽只係買這對去飲鞋,
後來再試吓試吓
嫲嫲又話要買多一對for平時粗著喎!
就係咁!
嫲嫲好豪氣咁拿咗兩張大牛出嚟話
買埋哩對鞋比軼賢小主
這對鞋成盛惠$820
值唔值真係見仁見智喇!
嘻嘻!多謝嫲嫲喔!
可能親朋戚友見到,又會話駛唔駛買咁貴呀!
不過現今社會只要係話for小朋友好嘅嘢?
而父母嘅能力範圍內又做到的話都會盡可能provide比佢地。
對與否,軼賢媽都唔知喔?
***
買完立刻著住走,
軼賢就著住走走走.....
嫲嫲好開心見到軼賢小咁鍾意對鞋
醒目女
等嫲嫲駛錢都駛得開心d
幾難先捉住軼賢影返幾張相
傻妹對住塊鏡都笑一餐
無理正經
買完鞋巳經五點幾
軼賢小主成日未瞓過覺
所以眼瞓到傻傻地喇!
一上車巳經Zzzzz
更何況軼賢都唔知對鞋的價錢,所謂物質主義,係只買品牌而唔著重個人需要啫,依家軼賢係著左有改善,咪無問題囉^^