31/10/2009(星期六)
今日be爸同嫲嫲繼續要幫伯伯屋企搬屋執嘢
全日流流長有咩好做呢?
諗諗吓過咗荃灣搵婆婆食飯
原先同LULU AUNT 一齊帶住軼賢去咗荃灣先
等be爸過嚟食晚飯
點知等到食飯時間be爸都未攪掂
仲喺伯伯屋企執緊屋
唯有我地食飯先喇!
食完飯又上咗婆婆屋企倒亂檔軼賢小主近排鍾意唱歌仔
不過無人聽得明d歌詞
軼賢媽就掛住睇電視
當晚tvb播緊套電影[跟蹤]
唔知大家當晚有無睇呢?
套戲都幾好睇喎!好緊張、不過好殘忍
演員有任達華、梁家輝、徐子珊、邵美琪
睇睇吓原來十點幾喇!
都仲未收到be爸call
開初諗住唔食飯遮,
點都會接返我地兩母女返屋企吖!
點知。。。
打比be爸。佢叫我地自己歸家喎!
有無攪錯呀???
真係好唔開心呀! 仲有d嬲添!
返到屋企都未見到be爸
安頓好軼賢小主瞓著成十二點幾先見be爸返到
當時仲嬲緊都無采be爸
be爸不停同軼賢媽講嘢,
又解釋話:又唔係去咗玩,同屋企人搬屋遮
軼賢媽諗諗吓! 咁又係!
但唔知點解be爸無嚟接我地兩母女嗰一刻
真係好嬲呀!
因為每逢要同軼賢小主出街
如果be爸唔話唔同我地一齊去,
軼賢媽會覺得好無安全感啊!
都係自己無用,單拖攪唔掂阿囡
唔係今次哩件事
軼賢媽自己都唔知原來係咁依賴個老公嫁!
其實咁樣都唔知係好定唔好呢?
我唔係決..
我唔係決策人,只係一個秘書管家~即咩都關我事@@
我都想做小鳥依人,但環境唔許可我咁做~~我亦無信心靠個男人一輩子...因做人實在有太多變數了,唔係話佢會變心,而係太多意外會出現了!!當然煮到埋唻的時候,我未必堅到好似小蚊的層面,更加唔希望有任何意外出現 ^^
亦可能我慣左自己帶子澄出入, 老公放工唔定時~~除非老公去左玩, 否則我無咩怨言(但佢仲厭我有怨言@@) 今次你老公又真係無做錯, 就算佢真係要去玩, 我知佢一定只係偶然出去應酬聯誼, 你揀的老公已好生性, 又顧家了!!
依家對於我唻講, 一家人身體健康就最重要!