因為要去攞credit card禮品
所以同咗be爸去佐敦食晏攞禮品超多人、又做得慢 我同be爸排到想放棄
排咗好耐排隊先攞到 攞咗禮品,又未肚餓
因為be爸之後自己有節目,所以要周圍逛hea時間
去咗EATON HOTEL’s MAIN STREET CAFÉ飲嘢
之前嚟過覺得環境唔錯, 又可以坐大 Sofa, 真係好舒服呢!
原本諗住坐一陣去橫綱食麵,但一諗到勁多人排隊就唔想去喇
行吓行吓去咗美麗華商場
都係食日本麵 [麵屋一平安]
這店標榜日本地道口味,賣湯麵為主
下午茶時間
$40有熊本叉燒拉麵 + 3隻煎餃子 或 炒飯
軼賢媽order 咗哩set
be爸叫咗 豉油拉麵 + 餃子
真係好抵呀!
拉麵和湯底都好正宗,湯底的味道很濃
這一間的麵絕對值得一試。
***
食完麵be爸話入IT行吓
原來新裝修哩日喺第一日開返
反正都係hea時間,咪入去行吓攞
大家都無諗住買衫
一入到去竟然比我地見到靚仔吳彥祖喎
行行吓又睇啱喎,咪試吓囉!
一試上身就出事喇!
越試越開心,自從軼賢小主出世後
be爸都無試過陪我去買衫喇!
買嘢真係好開心! 好開心呀!
仲要唔駛自己比錢就仲開心 加吓一件加吓一件
就係咁就買咗4件衫喇!
盛惠$1,700.00
I.T. 嘅衫其實都好貴吓!
雖然老公買,但都亦亦地
SUPER HAPPY 嘅星期六下午
多謝晒be爸!
沒有留言:
發佈留言