Sheldon第一次K1面試@啟思

 

 

 

 

 

5/10/2013(星期六)

 

今朝Sheldon竟然瞓到10點先起身,

太好了! 諗住瞓夠了的Sheldon到interview都無易扭計吖!

Sheldon今日係in 11:30

我地11點左右就到達了~
等Sheldon適應吓環境先~

但係我嘅計劃係錯晒,

因為Sheldon當日好熱好晒曬,

玩了15mins已經好似有隻雀仔跌落水咁濕晒~

仲有軼賢家姐話好想陪細佬去interview,

 

 

 

點知只可以1位陪同~

因為家姐2010年都未係咁形式,

當時都係爸爸媽媽一齊入學校,

到in嘅時候就1位陪同~

所以咪比家姐一齊去,

點知無得入學校

結果家姐想陪細佬in~

細佬就要搵家姐同爸爸

 

 

 

 

等咗2-3個小朋友in緊的時候

Sheldon已經叫住要走~

極力搵d佢有興趣的玩具吸引佢.~

結果玩晒四張檯嘅玩具都未到佢in,

我心諗c火喇! 都唔知點好~

唯有帶佢玩 玩具廚房喇

咁先唔叫要走~

 

 

 

 

玩具廚房玩得好開心的時候就輪到佢in喇!

老師:問佢, 邊個到您嚟ge?

S : 佢話浚賢~

老師: 再問

S : 佢都係答浚賢~ (滴汗中) 唔知以為佢背答案吖!哈哈

老師 : 您的眼睛係邊道?

S : 只係眨眨眼就算~

老師 : 您用手指指吓媽媽眼睛係邊~

S : 老師問咗幾次都唔肯指 (已經走埋嚟要我抱想走)

老師之後問咗佢幾隻顏色

同要佢妁將D積木砌高~ Sheldon都有做到~

跟住老師話砌積木要點呢?

要唔要執返好呢浚賢? (諗住佢唔會執喇!)

總果又肯執好晒喎~

 

 

 

不過之後老師攞隻布偶公仔出嚟同佢玩, 佢就好驚喇!

仲要離開埋個坐位~ 走咗去再玩玩具廚房~

不過老師好好，跟埋Sheldon去咗玩玩具廚房同佢繼續問問題!!!

之後又多一名男仔in緊嘅時候走咗埋嚟玩~

不過都in到將近尾聲喇!

總括嚟講sheldon佢in得麻麻地~

不過我都有心理準備~

我係當同佢practice吓~

等佢in多一兩次時無咁驚喇!

始終都係第一間in, 都無比壓力大家~

我依家要求好低

佢唔喊我都當佢in得成功!