12/7/2009(星期日)
同大家匯報吓軼賢小主嘅
學習同成長情況先
身高：真係吾知。
著衫90 size，
體重方面：無乜重過
廿四磅左右
日日食咁多野都無重過?
有無攪錯呀!!!!!
學講野情況：進展良好
起碼識叫晒爺爺、嫲嫲、媽媽、
爸爸、伯伯、婆婆、波波（屋企隻貓咪）、姨姨
鍾意嘅食物 :
都係最鍾意食菜菜、白飯、麵包包
生果(香蕉)
飲品，鍾意飲湯 、清水 &
開奶茶，一口氣啜晒成杯開奶茶都好似唔夠咁
近期最鍾意食ice cream & 雪條
比過一次佢食就唔得了喇
每晚都要拖我地去開雪櫃，
唔係食ice cream就要食雪條
小朋友真係"為食"起嚟真係叫佢做咩都識
好似噖晚拖嫲嫲去開雪櫃攞雪條食
叫佢叫晒爺爺、嫲嫲、媽媽、爸爸、
伯伯＆婆婆都無問題
有片睇，因為有得食，
叫佢重複咁叫
所以比我影到
出牙情況：無乜進展
都係上門牙四隻，下門牙2隻半
上面四隻出多咗少少
瞓覺情況： 好明顯係瞓少咗
上午原本可以瞓到兩個鐘減到瞓個零鐘就醒
下午原本可以瞓到2-3個鐘減到都係瞓一個鐘咗右就醒
夜晚10:30瞓到朝早7:30
夜晚之前飲完奶奶就可以自己入睡，
近排飲完奶奶比埋奶咀加埋毛巾都好耐先瞓著
有時仲要我抱住瞓著先放落床
當然瞓著後都一定要媽咪陪瞓喇!
睇電視情況：
呢期，睇多左好多電視
軼賢小主係廣告迷，
近期至愛
吉百利朱古力廣告
(有兩個小朋友嗰個呢)
每次睇到都會點晒頭同係咁“戚眉戚眼”
真係比佢笑C! 哈哈!
第二至愛
米奇卡通 “M I C K E Y M O U S E CLUB HOUSE”
每朝返工前拖我去computer 前要我開比佢睇。
表達方面：識d乜？
識得表達好多野
想去街，自己拿對鞋去著
要睇電視比個搖控我地開，
要訓覺，自己攞毛巾同行去自己張床仔道
想飲水，喺街上指住自己個走佬袋叫我地攞比佢飲
想食野又係指住要食物要我地比佢食
吾明會點？冇乜野嘅！會耍手擰頭同會喊之嘛！
最近有樣幾唔好嘅習慣，
就係一唔鍾意或佢要嘅野唔比佢就會發難同發皮四。
