星期六同婆婆食飯

25/7/2009 (星期六)

下午嘆完café又要趕返屋企接軼賢小主

因為今晚約咗軼賢婆婆去荃灣食飯

出發去搵婆婆喇!

軼賢小主一去到酒家見到思齊表姊

手上的玩具狗巳經好有興趣喇!

望住毛毛狗眼都唔眨

問思齊表借比軼賢表妹玩得唔得，

思齊表姊好乖喎又肯借比表妹喎!

食飯期間婆婆提議比

軼賢小主學用筷子自己取食物

婆婆讚軼賢小主第一次揸筷子都算揸得幾好喇!

雖然唔係次次夾到，

但我估唔到佢都識識地點用囉!

真係咩都要比佢試吓!

食食吓飯咩事令軼賢小主

笑得咁開心呢?

咪係wingwing表姊扮鬼臉引

軼賢小主笑囉!

上去婆婆屋企之前去商場買甜品期間，

思齊表姊話要同軼賢表妹影相喎!

之後穎穎表姊都話要影

3位大少姐嘅合照~~

思齊、軼賢 & 穎穎

婆婆、軼賢小主&齊齊

 

之後一齊上咗婆婆屋企~~倒亂

 

婆婆知小主鍾意彈琴，

一上到去就攞琴出嚟比佢玩

仲攞埋sandy e送比齊齊的

生日禮物出嚟比小主玩添

但係好似穎穎更加有興趣喎!

之後連思齊都要彈琴

都唔知點解婆婆咁好嘢搵到

三個琴出嚟比佢地玩

唔好煩喇!

一人一部，

仲要玩執位添

結果!咪又係玩兩玩就行開晒!

***

軼賢小主又有新目標喇!

佢睇緊咩呢?

咪係見到貓貓囉

軼賢小主真係好鍾意貓貓嫁

見到婆婆隻貓貓又叫人地做波波，

佢個名叫阿dee呀!

貓貓係好驚小朋友嫁，

所以都係保持距離好d。

阿dee巳經好叻喇無呢埋!

睇完貓貓

鏡頭一轉

又轉咗玩煮飯仔

揸住個水壺扮飲水

倒完又飲，

飲完又倒，

重複重複嘅動作，

咁都玩咗成大半個鐘，

小朋友鍾意起嚟，

玩極都唔厭。

玩玩吓又10點幾喇!

要返屋企喇!

ByeBye!

• 女,
• 婆婆,
• 煮飯仔,
• 狗狗,
• 生活記敍,
• 表姊,
• 貓貓,
• 軼賢小主