好肉痛呀!

26/7/2009 (星期日)

軼賢小主又撞親喇!

近掛軼賢小主好忟憎，

好多時一個唔滿意就發皮四

噖日就因為軼賢小主發忟憎就發生意外

事原軼賢小主成日要入廚房開雪櫃

lulu anut喺廚房門口 ”發緊雞蛋”

軼賢小主要攞anut碗蛋嚟睇

anut更係話no no喇!

軼賢小主就立即好忟咁向前扑發爛

果一刻真係太快喇!

幾秒間

跑都跑唔切埋去巳經撞咗落去喇

因為anut揸住碗蛋又無手扶佢，

所以就。。。

今次好傷呀! 原來撞咗落條雲石邊果喥

 

撞到果時只見到塊面同眼角紅同腫晒

 

 

後尾先見到眼角瘀晒

 

巳經"look"咗雞蛋，

連搽開最有效嗰支油都攪唔掂!!!

都唔知會唔會有疤痕添!

好肉痛呀!

另外我估軼賢小主咁忟係因為又出緊牙!

軼賢小主出牙出得好奇怪

下門牙都未出齊，佢入面d大牙又出緊，

佢噖日仲無啦啦牙痕捉住我隻手指

軼賢媽問：您係唔係牙仔痕呀，係就比媽媽隻手指您

話比我知您邊道牙仔唔舒服喇

佢真係拎我隻手指去佢出牙位嗰處

咁先知軼賢小主埋邊出牙仔

我諗佢真係好唔舒服囉!

因為近排連粥粥都唔肯食，生果又唔肯食

食食吓野又大叫，原來咬親牙肉

真係淒涼囉!

囡囡您出牙出得咁慢.....

有排您痛呀!

 

• 出牙,
• 女,
• 撞瘀,
• 生活記敍,
• 軼賢小主