9/8/2009(星期日)
今日約咗去Sandy姨屋企嘅
club house度游水
想同軼賢小主去游水好耐嫁喇!
不過近排天氣唔係打風就落雨
今日終於可以同軼賢小主第一次行下水禮喇!
不過落水之前軼賢媽有d擔心
因為小主之前連著泳衣都好唔自在
仲要佢落水,真係驚驚地
到達Sandy姨屋企,放低行裝
**
落水喇!
一開始玩嘅時候同軼賢媽擔心嘅一樣
軼賢小主當然係唔肯落水,
好似樹熊咁夾住軼賢媽點都唔肯落水
後來續步續步
放咗軼賢小主
落呢張水中大chair喥喇
成功咗第一部,
就係放小主雙腳落去踢水
好在有帶埋軼賢小主
沖涼玩開嘅花灑壺比佢
咁就越玩越開心
warm up完開始抱軼賢小主行開呢張chair
不過都仲係驚驚青青
專登為軼賢小主買呢個hello kitty水泡嫁
軼賢媽好鐘意呀!好靚呀!
大家咪以為佢坐落去水泡喥呀!
其實坐喺石級喥揸
不過以軼賢小主第一次落水都算係咁喇
我知道有好多BB第一次落水都會喊到飛起,
喊都根本玩唔到就要走
軼賢小主~好開心喎!
*****
唔覺唔覺咁就浸咗個幾鐘喇
上水抖陣先
成個闊少爺咁款!
呵呵!
仲諗住同軼賢戒奶咀
點知近排出大牙,仲demanding奶咀,激c呀!
好識嘆,食住咀咀睇人游水
等軼賢媽做吓龍友同軼賢小主影
少少沙龍照比大家睇吓先!
阿囡呢張相好誘人呀!
哈哈!
性感奶咀B
最估唔到就係坐完一輪後
竟然係軼賢小主拖軼賢媽落返swimming pool
玩到個個話走軼賢小主都唔肯上水
繼續拖住我在喺泳池邊四維行
真係要走喇
因為開始有d風
涼涼地喇
唯有抱起小主上水,叫佢同泳池bye bye
話下次再玩過喇!
開心的第一次下水禮
希望好快又可以安排同軼賢小主再游水喇!
為大家送上軼賢小主video
下水禮video
沒有留言:
發佈留言