1/8/2009(星期六)
今日軼賢媽&bebe爸爸放假
終於都約到去見剛剛滿月嘅暟澄BB女喇!
今朝一早同軼賢小主去食早餐，
軼賢小主出到去食早餐喇!
近排天氣唔係打風就落雨，
唔係落雨就熱到嘔
所以同軼賢小主吃完早餐後都無去遊樂場玩
***
只係同佢行吓商場
遊吓冒險樂園就算喇!
近排軼賢小主好鐘意no no
回家途中~~~
軼賢小主
no no自己行
no no坐車
no no bebe爸爸抱
只係要軼賢媽抱!
嘩!唔好掛?
大熱天時，
淨係要軼賢媽我喺街行都抖唔到氣喇!
仲要我抱住軼賢小主行，真係攞我命呀!
軼賢媽話no no得唔得呀?
更係唔得喇!
後來一路抱一路講數先肯自己坐落車仔咋!
***
軼賢小主回到嫲嫲屋企，
拿拿淋要軼賢小主瞓返個幾鐘起身
食埋粥粥就快快趣換完衫衫
出發去黃埔喇!
我地準時兩點到達黃埔花園
我地一行8人
去咗間個環境清靜尚算高級嘅餐廳食晏
是日午餐 O'CAROL
先介紹吓呢位BB小朋友先
呢位係子澄公主呀!
剛剛比媽call醒，
所以呆呆地，未瞓醒!
軼賢小主就唔理咁多掛住食包包
兩個都未熟絡，所以零交流
妳有妳食,我有我飲
兩位BB小朋友WARM UP完喇
開始倒亂喇!
spoon & 叉橫飛一輪
都係時候離開餐廳!
因為軼賢小主同子澄公主開始唔耐煩喇!
返子澄媽屋企之時經過遊樂場，
兩位BB小朋友自自然然就行咗埋去玩
兩位都依然係您有您玩，佢有佢玩
叫兩位大少姐影相
叫咗好多聲先肯望吓軼賢媽
呢張相有d坐牢feel呀!haha!
軼賢小主坐牢都咁happy!
子澄公主仲咩悶悶不樂呀?
軼賢小主一於好少理，周圍行&sir滑梯添
終於返到子澄媽屋企喇
軼賢&子澄一入屋
繼續玩玩玩。。。
軼賢小主每次去到人家屋企特別開心
因為d玩具未玩過嗎!
子澄媽仲提供埋真鋼琴比軼賢小主
玩真係開心都暈呀!
本來影咗兩位開心彈鋼琴嘅video比大家睇
不過近排yahoo video唔知攪咩，
upload完都睇唔到，
所以近排無video睇喇!
彈完鋼琴軼賢小主仲好嘆咁
坐喺子澄公主張公主椅喺道睇書書
登。登。登。登。主角出場喇!
今日嚟呢到嘅目的
就係見呢位暟澄new born baby girl喇!
不過暟澄BB超爛瞓
由入屋到走都係瞓緊覺!
好可愛嘅BB女呀!
再次祝您快高長大!聽教聽話!
好耐無抱過咁細嘅BB喇!
好可愛呀!最鍾意抱咁細嘅BB!
CM姐姐唔感抱new born BB
唯有抱個家姐子澄喇
暟澄您嘅吸引力幾大
連剛剛動完手術嘅VC姐姐都嚟見您呀!
今次捉住軼賢&子澄影呢張相
大家睇返一年前同一樣嘅主角
呢兩位BB當時個樣好傻~~
好好笑呀!
咁又玩咗成個下午
打攪晒尚在坐月嘅暟澄媽
招呼咗我地成個下午
攪到無得休息
回家途中軼賢小主一上車就瞓著咗喇!
期待下次聚會
沒有留言:
發佈留言