14/8/2009(星期五)
今日同軼賢小主去健康院叫埋嫲嫲同Lulu anut陪軼賢媽一齊同軼賢小主去健康院
打針同見姑娘做評估
約咗9:30am,我地早咗少少9:15am到達,
今次軼賢小主同以往幾次去健康院有好大分別
因為之前去健康院時未識行,
今次識行就四圍八掛同四圍行,
間間房都想入去
見BB喊,就去”裝”吓人地
今日都幾多人,不過等咗5分鐘左右就有得磅豬仔
今次大個女喇吾駛再訓低磅,係企起身磅
不過超級唔合作,只係叫佢企上個磅喥都唔肯
平時喺屋企叫佢唔好企上個磅,就啋我都傻
依陣叫您上磅又咁難
又吾肯自己企,放上去又落返嚟
姑娘話叫我地慢慢磅
磅到就話佢知喇
點知!姑娘一另轉背
軼賢媽:e您睇吓咩嚟嘅!
就係咁停咗2秒
先可以同軼賢磅到幾重
但係都無叫我地度高喎!
更正軼賢小主一歲半的
體重為 ~~ 11.4 kg,約廿五磅
成長線合晒標準,係中碼B
不過幾多磅都唔緊要 ~~~ 最緊要健康就得啦!
****
磅完豬仔,又要等一輪先有得見姑娘
軼賢小主就不停走來走去
周圍睇吓d BB
一歲半的軼賢小主要做幾樣野作為成長進度的評估
姑娘問軼賢佢識講d乜
我話爸爸、 媽媽、 爺爺、嫲嫲.........果d囉!
姑娘問~~咁其仔它物件識唔識呀?
貓貓、狗狗、波波、菜菜.......都識講嘅!
姑娘話都識得好多單字同疊字,都好好喎!
姑娘又問~~~軼賢平時在家玩乜玩具?
我真係想話佢鐘意玩
開雪櫃、衣櫃、玩拖鞋、玩好多唔係玩具嘅嘢......
不過唔感講,怕比姑娘鬧
咪話玩彈琴、切積木果d囉
識吾識指 眼 耳 口 鼻?
識,easy喇!
即場叫軼賢指晒比姑娘睇
問得幾問軼賢小主唔耐煩喇
要拖我出門口(示意要走)
姑娘問軼賢小主食嘢情況?
嫲嫲當然爭住答喇
話早午晚三餐奶
中午同傍晚各一餐粥
即刻比姑娘話點解仲飲三次奶
點解仲食緊粥,唔食飯?
嫲嫲立即唔知點答!
姑娘話知唔知點解出牙出得慢呢?
軼賢媽即時問,有咩問題呀!
係因為軼賢小主食唔夠固體食物?
又無咀嚼食物去幫助牙齒生長喎!
所以依家要轉食飯喇!
唔肯食咁點呀?
姑娘話唔好就晒d小朋友,唔好佢話點就點(我都知???)
姑娘仲叫嫲嫲帶軼賢小主出去行個圈
不過姑娘自己都講
妳都都好難攪,妳唔係自己湊
有老人家湊,一定寵壞小朋友。
見佢講開呢個問題,更係剩機問吓有咩計喇!
點知。。。
姑娘:唔好問我嘢住,一歲半 好鬼多野要講
講到喉都沙埋????
之後再不停講。講。講。
其實姑娘講完一大輪嘢,都好似無乜用嘅!
***
之後出返去等打針
第咗15分鐘左右
到軼賢打針喇
嘩!今次打針就慘喇
一入到打針房
軼賢巳心知不妙
極力掙扎要落地出去
姑娘叫軼賢媽快d夾住佢雙腳&按住佢膀頭
軼賢小主當然知咩事,拚命掙扎
捉住佢唔係問題,
問題係姑娘妳要快手先等得嫁!
一針”吉”落,哇一聲之後喊到拆天咁喇
都未見過軼賢小主喊得咁勁嫁!
好淒涼呀
真係越大越怕打針,!
***
本來打完針要等15min先走得
因為軼賢媽仲要趕返公司,
所以待等咗5mins見軼賢小主無乜嘢(只係仲喊緊)
就立即飛的去火車站喇!
軼賢小主喺打的其間都仲喊緊,
仲比的士佬話我地,個BB係唔係肚餓呀???
好鬼瘀呀!
軼賢打完呢支針後
九月仲有一支肺炎連球細菌針要打呀!
到時又要喊餐飽喇!
子澄依家都係吞左d 爛飯就算 (無咩水出的粥), 佢依家d大牙及犬牙一切過出緊, 我諗唔駛一個月就出哂啦!! 所以我覺得食粥or 飯根本唔關出牙問題:p