近排天氣好凍呀!
所以軼賢媽比咗好多衫小主著,
著到佢好似隻糉咁!
仲有呀!唔知點解?
近排仲係成日咳咳
走兩走就咳,一吹風又咳
所以軼賢媽同小主帶上頸巾呀!
好在又唔抗拒喎!抵錫!
***
近排軼賢又是唔肯食嘢
真係令嫲嫲、媽媽& aunt好頭痛呀!
一餐飯出盡法寶都係食少少,
有時只係飲魚湯後,就咩都唔吃喇!
到千方百計令佢食肯食之時
如果在場有人唔合作
係軼賢面前食其它零食
就會前功盡費,立即停,要食人地果d。
***
近排軼賢小主情緒都幾波動
一時笑得好開心,一時喊唔停,點解呢???
***
近排軼賢小主做咗超級痴媽B
每逢星期六、日假期一瞓醒,唔見軼賢媽的話,
只見到Be爸即知我地唔水返工,
就會狂喊要Be爸帶佢搵阿媽!
Be爸話佢重會一路行一路喊。。。
直至見到阿媽為止!
見到軼賢媽就不停要抱,
連入廁所都跟埋入去
有軼賢媽在場連Be爸都唔得
只係要軼賢媽抱。
噯! 咁樣係好定唔好呢?
***
近排軼賢小主有時又會好為食
見到大人食乜
佢就要食乜喇!
所以大家有個不成文規定
若然要在家食零食都得,要哩埋食
唔可以比軼賢見到
***
近排軼賢小主又識講多好多嘢喎
唔會只係講疊字喇!
沒有留言:
發佈留言