軼賢與波波

自從軼賢小主出世後

軼賢媽真係冇乜點理波波

波波陪伴咗軼賢媽已經12年喇!

未夠3個月大就買咗波波返嚟

波波由細到大每晚都係同我瞓嫁
波波根本就當我係媽咪

波波巳經12歲

貓齡嚟講佢巳經係老婆婆喇!
可能波波此終未做過媽媽

成日都好似小朋友咁嗲住我
由買佢返屋企後每晚都係攬住同佢一齊瞓
自從軼賢小主哩位小朋友出世之後

波波無得同軼賢媽一齊瞓不特止
仲要連睡房都係禁地
波波不可內進
對於波波嚟講係好大打擊

而家軼賢媽真係冇乜時間照顧波波
好彩貓唔駛好似狗仔咁要出街散步
如果唔係仲攪唔掂呀
不過有時忙起上嚟

真係幾日都無抱過波波呀
所以而家波波會吼我坐sofa睇電視或
我去洗手間時跟埋我入洗手間
之後跳上我大脾要我抱佢
只係得依d時間係我地嘅相聚時刻喔!

近排寒冷警告，真係好屎凍!
波波又是死心不死惜咁喺睡房門口狂叫
要入房瞓，d叫聲仲好似喊咁!

好淒慘呀!

無辦法喇!
波波妳體諒媽咪喇!
有了軼賢小主後佢一定係排首位嫁喇!

所以我知道波波係好唔鍾意軼賢嫁
但相反軼賢就好鍾意同好掛住波波喇！


***

軼賢媽等咗二十二個月
終於係安全情況下
影到一張軼賢小主同波波嘅合照!

兩個一齊望鏡頭
雖然效果唔算好好

都話晒係第一張成功合照吖!
值得留念呢！

• 女,
• 生活記敍