近哩兩星期軼賢小主每晚都瞓睡得唔好
軼賢佢瞓得唔好就等於軼賢媽無覺好瞓囉
點解瞓得唔好? 軼賢媽都唔知點解?
大家覺唔覺得軼賢小主雙眼好腫呀?
事原由上星期開始巳經覺得BB好腫
開始時以為佢鍾意飲水，飲得多所以腫遮
後來開覺越來越腫，
連塊面都腫埋
見軼賢又有少少流鼻水
咪同佢睇醫生囉!
不過book唔到睇開嘅H醫生
唯有Book另一位喇!
第一次睇哩位L 醫生,
巳經比佢嚇親!!!
當日嫲嫲帶軼賢去睇L醫生，
先話比L醫生知軼賢有少少流鼻水，
之後嫲嫲問L醫生覺唔覺得軼賢雙眼好腫呀?
嗰位L醫生竟然答嫲嫲
[我點知呀?]
你地日日見住佢，你地話腫咪腫囉!!!!
係呀?腫呀?可能個腎有事呢!
咁驚!咪即痾篤vv出嚟驗吓囉!
嚇到嫲嫲飛起
大佬呀!聽到話佢粒孫可能個腎有事喎
仲唔發茅咩，仲想立刻攞篤vv去比佢驗
嫲嫲即刻通知Be爸有咁嘅情況
嘩!哩d咩醫生嚟嫁!
做得醫生真係唔好亂講嘢吖!
想嚇C人咩!
其實大家聽完L醫生都有比佢嚇一嚇嫁，
軼賢媽&Be爸都覺得哩位L醫生講嘅嘢好有問題
後來一齊再問吓其他朋友,
究竟小朋友水腫普唔普遍
諗諗吓都係搵返軼賢睇開嗰位H醫生問吓囉
排隊等入去見H醫生之時，
在診所門口等待中
費時入去等由傷風，
被傳染其它病咪仲大件事。
一見到H醫生立即問軼賢點解會咁腫嘅?
醫生巳經叫我地唔駛咁驚，
問完軼賢嘅情況，
應該唔係腎有事，唔好咁擔心
除非有以下情形出現:
如果有持續低燒、唔肯食嘢、
vv好黃和vv時會痛、連身都水腫，
先會係急性腎炎喎!
不過都要我地留意情況。
嗱!哩d咪專業囉!
睇完H醫生軼賢媽同Be爸個心都定D
果真食咗兩日哩位H醫生嘅藥，巳開始無咁腫喇!
晚上瞓覺都無成日醒咁多次喇!
謝天謝地
沒有留言:
發佈留言